Baseline happy असावी... म्हणजे नेमकं काय हो ?

 

स्वतःचं आत्मपरीक्षण करताना व त्यातून स्वतःच्या actions ला, emotions ला आकार देताना आपल्याला Happiness ची base line कशी मिळवावी याची दिशा मिळायला लागते. यातून स्वतः चं processing करताना आपण Self Awareness Zone(SAZ) च्या जवळ जावं यासाठीचा आपला अट्टहास किती प्रखरतेने काम करतो यावर आपली Happiness ची Baseline किती strong आहे हे ठरत असावं. त्यासाठी आपण त्या process चा भाग असणं गरजेचं आहे.

तर ही Baseline म्हणजे नेमकं काय..... तर तुमचं Happy असणं कुठल्याही परिस्थितीवर अवलंबून नसणं. म्हणजेच एखादी गोष्ट मिळाल्यावरच मी आनंदी होईल असा अट्टहास असणे. पण या अट्टहासाला desire ची किनार असल्याने ते तितकसं शाश्वत असत नाही. उलट process चा आनंद घेता आला पाहिजे. पण त्या process च्या आनंदाच्या comfort zone मध्ये अडकून चालणार नाही. नाहीतर process ला 0 to 1 आपण नेऊच शकणार नाही. म्हणूनच Proceess execution आणि rectification या दोन्ही मधला आनंद आपण सतत explore केला पाहिजे. हे करत असताना येणारे challenges handle करताना आपली Baseline happy असली कि कार्य सिद्धीस लागतं. हे खूप आव्हानात्मक आहे पण ते करण्याचं skill आपण अवगत करायलाच पाहिजे.  कारण अंधाऱ्या रात्रीत चमकणाऱ्या काजव्यापेक्षा अधिक जास्त अस्तित्व आपलं नसतं. पण त्या तशा चमकण्याने आजूबाजूला एक सकारात्मक प्रभाव नेहमीच निर्माण होत असतो. त्या थोड्या वेळा पुरतं का होईना पण चमकण्यासाठी ती baseline happy ठेवण्याचा आपला अट्टहास असावा.

म्हणूनच आपण प्रयत्नशील असावं की  प्रेम , करुणा, सहभावना , साहस हे भाव सतत मनात रुळावेत तरच आपल्यात एक आंतरिक बळ व ऊर्जा निर्माण व्हायला लागते. त्यातूनच मग आपली Baseline Happinees Zone च्या अवतीभोवती फिरत असावी.

मग त्याला पूरक म्हणून तुमचं network push factor असावा त्या प्रमाणे कामात येतं. पण तेच सर्वस्वी नसून महत्वाचं असं पुरक साधन असतं हेही आपल्या लक्षात असावं. त्या network मधील एखादी फांदी तुटली की एखादी दुसरी फांदी ती पुरकता भरून काढते हे मात्र नक्की. ह्या फांद्या म्हणजे नेमकं काय...? तर तुमचं कुटुंब,तुमचा मित्र परिवार, तुमचं healthy network इ. या सोबतच आतापर्यंत तुम्ही कमावलेले अनुभव , त्यातून घडलेला तुमचा संचित स्वभाव , तुमचा skill set , तुमच्या भविष्यातील aspirations मधून तुम्हाला मिळत गेलेला आनंद - feel good factor हया सर्व फांद्या तुमच्या आत वसलेल्या असतात. यांपैकी बाहेरील फांद्यांच संतुलन imbalance व्हायला लागलं की आतील फांद्या lead करतात.

पण त्यावेळेस ते cosnicously जमण्यासाठी तुमची baseline happy असावी. आणि ही baseline strong असण्यासाठी स्वतःच्या विचारांवर, actions वर, emotions वर सतत healthy food चा वर्षाव करत राहावं. त्या बद्दल awareneess वाढवावा. आणि त्यासाठी सतत focus oriented आणि वाढून ठेवलेल्या कामाप्रती वास्तविक भान ठेऊन झटत राहावं.
कदाचित happiness ची baseline strong व शाश्वत करण्याचा हाच प्रवास असावा.

© शुभम

Coool........ म्हणजे काय हो ?

आपण सर्वांनी हा शब्द खूपदा ऐकला असेल. हा शब्द आजकालच्या teenagers ना एक स्टेटस सिम्बॉल वाटतोय.या शब्दा भोवती एक वेगळंच वलय आहे. तो शब्द म्हणजे Cool...! सहजच एखाद्या वेळेस कोणीतरी जास्तच उतावीळ होत असेल तर मित्र मैत्रिनींच्या गोतावळ्यात आपण chill मार , cooooool.....अशा प्रकारे व्यक्त होऊन थोडं थंड घे असं म्हणायला सांगतो. पण याहिपलिकडे आजकालची तरुण मंडळी cool म्हणजे एक विशिष्ट प्रकारची personality आहे असं समजून घेते. त्याचे विविध धागेदोरे उलगडून पाहिले तर लक्षात येईल की cool म्हणजे काहीतरी खूपच आकर्षक आणि तितकंच आधुनिक अस व्यक्तिमत्त्व असतं असा पक्का समज आजची तरुण मंडळी करतात.

त्यांच्या मते समजा एखादा व्यक्ती tech savvy आहे, जो expressive आहे , कोणत्याही विषयावर त्याला दोन चार वाक्य ठोकता येतात (अर्थपूर्ण असो का नसो), गाडीवर दोन चार स्टंट करणारा, pubg च्या master tricks त्याच्या बोटावर असणाऱ्या, collge practicle वगैरे उशिरा करणारा पण असं असूनही कॉलेज मध्ये events organize करणारा तर कधी कधी सिगारेट दारू (sorry दारू नाही shots) घेणारा, insta, reels ,snap वगैरे किंवा swipe culture मध्ये स्मार्टली वागणारा अश्या आशयाच्या तरुण किंवा तरुणी स्वतःला cool समजतात. आणि मग सर्व तरुण जनता जवळपास कुठेतरी यांच्याच अनुकरणातून स्वतःच एक व्यक्तिमत्त्व वयाच्या १८-२२ वर्षात घडवत असते. जरा निरिक्षण करून पाहा आजूबाजूचे बहुतांश तरुण मंडळी वर  सांगितलेल्या पूर्ण किंवा काही गोष्टी नक्कीच स्वतःच्या व्यक्तिमत्त्वात मिरवत असतील. आणि हो या मंडळींच्या मते cool असणं म्हणजे काहीतरी खूप आरामात एखादी गोष्ट करणे , विशीच्या उंबरठ्यावर असलेली ही cool तरुण मंडळी अगदी सहज बोलतानाही इतकं आरामात शब्द वेचून बोलतील की जरा कुठे अजून थोडं speed नी बोललं तर त्यांचे दात पडतील असा भाव असतो. हे लोक या आविर्भावात वावरतात की ते आतून किती शांत म्हणजेच cool आहेत आणि त्याचा स्वतःचाच एक aura आहे असं त्यांना सतत वाटत असतं.(कदाचीत त्यांनाच) हे लोक मुलींशी बोलताना इतकं deep आणि meaning ful काहीतरी बोलत आहेत अशा tone मध्ये बोलतात जणू काही जुन्या चित्रपटांमधला शाहरुख त्याच्या हिरोईन च्या कानात जाऊन दोन चार जबरदस्त वाक्य बोलून जातो.त्याच खोलवर आणि सम्मोहित करणाऱ्या आवाजात.

त्यांचं हे cool असणं सतत प्रेरणा घेत राहतं bollywood आणि hollywood च्या जीवनशैलीतून.

आता तुम्हाला वाटत असेल की cool असणं म्हणजे साध्या भाषेत वाया जाणे. पण याउलट एखादं व्यक्तिमत्त्व cool असणं हे खूपच जबरदस्त आणि उत्साही वर्तन आहे. फक्त cool या शब्दाचा अर्थ कुठेतरी आपण समजून घेतला पाहिजे. तुम्ही ऐकलं असेल कधी कधी अमिताभ बच्चनला ही cool म्हटलं जातं. MS धोनी ला तर नेहमीच cool म्हणतात. अगदीच हीच ती लोकं आहेत ज्यांच्या व्यक्तिमतत्वाचे आयाम जर आपण समजून घेतले तर cool personality म्हणजे नेमक काय असतं हे लक्षात येईल. आपल्या तरुण मंडळींनी cool या शब्दाला तर आपलंसं केलं पण त्याच्या योग्य अर्थ मात्र समजून घेतला नाही. तर cool या शब्दाला इतकं का महत्व द्यायचं तर त्याच्या मागे एक वास्तविक कारण आहे. कारण cool हा शब्द आणि आधुनिकता म्हणजेच काळाबरोबर बदलत जाणे याच एकच समीकरण आहे. आणि तो शब्द तरुण मंडळी मध्ये खूप प्रसिद्ध असल्याने त्याच्या अनुषंगाने योग्य अर्थ जर त्यांनी उचलला तर त्याचा फायदा त्यांनाच जास्त होईल. विशेष करून विशीच्या उंबरठ्यावर.

जेव्हा अमिताभ किंवा धोनी यांच्या कडे पाहून cool personality समजून घेतो तेव्हा काही खूप नीटनेटके आणि mature असे personality चे पैलू आपल्या लक्षात येतात.

एक म्हणजे ही लोकं नेहमीच भानावर असतात की त्याचं profession आणि त्यातील updates काय आहेत , वैयक्तिक आयुष्यात ही मंडळी नेहमीच joyful , उत्साही तसेच इतरांच्या विचारांना space देणारी असतात, चार चौघात वावरताना ही लोकं नेहमीच कृतज्ञेचा भाव घेऊन आवरतात , स्वतःच्या आयुष्या सोबत meaning full काहीतरी करायचं आहे याची स्पष्टता व शिकत राहण्याची कुतुहुलता यांच्यात ठासून भरलेली असते. हे लोक serious वृत्तीचे नसतात. फक्त त्यांना हे नक्कीच कळतं की कुठं serious आणि कुठं flexible राहायला पाहिजे. हा balance साधणाऱ्यालाच cool person म्हणता येईल.

म्हणून कुठेतरी वाटतं की teenagers नी उचलेला cool हा शब्द खूपच जबरदस्त आहे . त्याला फक्त गरज आहे एका नव्या वळणाची. विशीच्या उंबरठ्यावर असणाऱ्या तरुणांनी या शब्दाचा खरा flow आत्मसात करून घेतला तर त्यांच्या आयुष्याच्या प्रवाहाला एक सुंदर वळण नक्कीच प्राप्त होईल, यांत तिळमात्र शंका नाही.